FACEBOOK專頁

2017/11/15

為小B添保暖衣!日本西松屋置冬裝攻略!

有留意我的媽媽都知我有舖癮,
就是在日本樂天網的西松屋買BB野喇,
雖然有人話淘寶都有西松屋D尾單啦,
其實這個我都知,
但有D款式真係得西松屋有嘛,
而且我總覺得人地做埋QC呢part安全D,
加上如果識搵便宜代購,
分分鐘仲平過係淘寶買水尾貨。

上月底帶Bella去了轉北海道,
(有興趣可看看我上幾篇文章,
教你點樣輕鬆帶B旅行吾辛苦)
自駕去小樽時遇上西松屋,
你話我又點會錯過呢,
即刻要多加一個景點逛逛,
入到去發覺店舖大到不得了,
如果要揀衫仔真係無返半日時間都吾得。
原本興緻勃勃,
誰不知同行既兩位男士(老公同老豆),
不斷係旁邊比壓力催促我快D走,
你地明吾明當女人買野既時候,
如果有男人在旁催促,
係一件幾咁無癮既事,
就係咁搞到我當時失去左理智,
只求其執左少少野返黎,
而家非常後悔,
所以我準備又再在佢地網站再廝殺過……



執左返黎既好野就係呢堆,

當中BB hot wrap打底衫同睡衣就多D,
呢兩樣野就係我一定要推薦比大家既,

因為呢幾日先有時間打開來準備洗,
發覺佢地好正,D布料好軟棉棉,
而且好夠暖,圖案又得意,
最最最重要係咩呀??
就係件件都無螢光劑
係香港想買款式多又無螢光劑既,
其實選擇真係不多,
Bella上年冬天仲係一個小粉糰只用包被,
今年過冬真係要再添返多幾件睡衣替換,
而這幾款我都覺得非常值得再多買幾件,
如果你家寶寶仲係小粉糰,
西松屋都有大把50~70既新生兒冬天衫,
多到只怕你吾知頭買邊件。


 必買item 1: Hot Wrap
一包兩件,價格只係1078円,
非常抵,後悔只買一包,
雖然有hot wrap功能但質地一D都吾厚,
用黎打底最啱!西松屋既size都好足架,
我買既係80碼,Bella著都有D鬆,
不過Bella係屬於細Size BB來的,
我唸80碼佢下年都可以著呀!
西松屋官網(我用日本樂天手機app的),
就有Hot Wrap既區域比大家click入去揀!



另外我都買左普通既長袖打底,
係西松屋中價牌子Enfindoll出既,
先係679円兩件,主打速乾,
圖案得意共其實使襯衫都得。

必買item 2: 軟綿綿家居服&毛毛絨睡衣
呢兩套係我覺得最靚既,
因為印滿左公仔,一樣係無螢光劑,
一整套而且褲係有包腹吾怕冷親BB,
每套1279円!
黃色呢套布料是軟棉,摸上手好舒服,
少少厚身但軟綿綿透氣高,
著睡袋既BB可以考慮,
亦好啱日頭當做家居服。



另外係厚身既毛毛絨睡衣,
咁厚竟然都係1279円一整套,
無螢光劑,褲仔一樣有包腹,
BB著左之後好夠暖,
而且好似抱住隻毛毛熊咁!


呢兩套係官網搵我搵左好耐好耐都吾見,
因為西松屋既衫真係太多喇…
最後我係尋找個欄打“パジャマ”,
即係pajama既意思,就全部彈哂出黎,
好開心呀可以再慢慢揀多幾款吾同圖案。


我隨手又執左兩套衫,
其中一套係西松屋較貴既牌子“Cherokee",
呢個牌子d衫你會發覺好多小detail設計,
所以售價會高少少。一套合計979円*2!

另外都吾知點解會執左條毛絨連身裙,
係Enfindoll既,雖然80碼,1279円,
但我唸Bella下年先著得,
而且再等佢多D頭髮先著裙啦,
佢而家仲係好“佬”味!

買左D毛毛長襪同船襪,
有防滑係屋企可以當地板襪著。
仲有手套,又係下年先用得。


另外我買左兩件雜物,
一款係防水食飯地墊,499円,
幾好用既,超碼吾使我執咁多蘇州屎,
唸住再買多張返來替換。

仲有呢盒好搞笑既紙巾玩具,
訓練下Bella手指活動,
吾好再係咁“蚊”我盒tempo!
呢款係網上我都見有得賣。

好喇,吾阻大家購物,
有咩吾明就facebook inbox我啦,
之前已經教左大家點樣用便宜轉運,
在此吾多講喇,可以睇返我之前文章,
或直接問返我都可以,
我同Bella下次會再搵D好野比大家嫁喇!!


< 許許與小BELLA >
隨性的玩樂型媽~ 未生小Bella前非常慢活, heahea是個自由人, 而家當上新手媽媽全職帶娃, 雖然每日只有忙與累, 但跟小BELLA嘻嘻哈哈過每一天, 看著她在歡樂中成長原來更有趣, 是個玩樂型媽媽~ 從前喜歡分享美容, 生活, 入廚及旅遊樂, 如今更有機會寫下更多育兒誌, 歡迎到我地FACEBOOK專頁瀏覽更多生活趣事分享~

聯絡我們: jassmine_tea@yahoo.com.hk

~ BLOG足跡 (BEAUTY, LIFESTYLE, DINE, MOM & BABY) ~
BlogSpot   PINEXT   OpenRice  ESD LIFE  
TheZtyle  She.Com  BeautyExchange  
MyBB.Com  香港媽咪幫  U BABY  媽媽經  親子日常

*

Related Posts Plugin for WordPress, Blogger...