FACEBOOK專頁

2018/06/26

BB食譜12M+: 日式五目炊飯

早排去日本旅行,
好多媽媽都問我Bella食咩?!
其實Bella今次出發歲半,
比起上年年尾去北海道時十一個月大,
會更易處理,我除了帶奶,
還有自攜水壺,到便利店買生雞蛋來烚,
先保證佢每日一蛋,午晚餐就跟我地食,
最常吃的是shabushabu,
昆布湯底說穿了就等於滾水,
放菜,肉,菇,豆腐比佢食就好了。
其次就係將食物過水比佢食,
又可叫餐廳煮菜時不放鹽或淡口。

入返正題先,
就是在日本食左幾次炊飯定食,
念念不忘,都諗下可唔可以為Bella做健康版,
其實呢款五目炊飯,地獄煮神媽媽都可以做,
1歲BB可以食。

五目即是五種材料,
而炊飯也可以說是炆飯,燉飯,
不過用高湯來炊它吧。
大人食會用濃口味的鏗魚湯包或味素粉,
不過BB食,就用自製的高湯最安全健康吧。

《BB食譜12M+ : 日式五目炊飯》


材料:
秀珍菇,青瓜,洋蔥,紅蘿蔔,
另外就是雞脾肉。
份量隨自己控制便可,
煮多一點也可以親子共食。



先將洋蔥,青瓜,秀珍菇及紅蘿蔔切碎備用。

雞脾肉去皮切粒,
之後我用了自己磨的乾冬菇粉稍醃一下,
喜歡的也可以加鹽。



為了顏色靚靚,我會把雞肉略煎,
同時也會更香口,細BB可免煎。
也無需煎太熟,因為會再跟飯同煮。




珍珠米,我用了一杯。


先洗一下去水。要注入水浸半小時。


開始煮飯,
我今次用了鑄鐵煲直接煮,
若想方便快速,也可以用電飯煲。
去掉浸米的水,把米放入煲中,
注入高湯,今次高湯我自己淆了香菇昆布味,
屬於素湯,放冰格冷藏,可做日式烏冬的湯底,
就算蒸蛋都ok。




如果用電飯煲,就像平時煲飯一樣加入高湯,
再放入所有材料同炆。
如果用明火煮,則先加入高湯於米中,
中大火滾起後不時翻一翻米,以免痴底。





直至米粒稍軟便可加入雞肉,及其他配菜,
然後再加入高湯,份量要蓋過米粒。





中細火先炆8分鐘,再用細花炆8分鐘。
熄火,焗5分鐘。


打開蓋,如追求賣相靚的,可先取出雞肉,把餘下的材料跟飯一起拌勻。




如像我一樣要裝飾,
我用了少許蛋液煎成蛋絲舖飯面。






再加上雞肉,灑少許紫菜,即成。




另外的湯也是用了香菇昆布高湯做的,
配料加除了昆布香菇,也加入洋蔥及紅蘿蔔。





這炊飯吸收了菇香,也有不同配料,
食落唔會寡,而是主要是一鍋過易煮,
親子共食也好適合。



 

另一個很好的建議,
把飯放涼後做成五目飯糰,
又是另一番風味,
也是一客很好的裹腹下午茶,
特別是炎熱的夏天享用。




************************************************************************
~ 許許與小BELLA ~
隨性的玩樂型媽媽~ 喜歡做BB特色料理~ 愛分享BB好物情報~
記得留意我地FACEBOOK瀏覽更多玩樂情報及BB食譜啦~
FB專頁: www.facebook.com/huihuiplayground
聯絡我們: jassmine_tea@yahoo.com.hk





*

Related Posts Plugin for WordPress, Blogger...