踏入初春又係煮開胃菜嘅時候喇!
呢道菜一定係小朋友餸飯精選🍊🍊🍊!
如果鍾意菠蘿酸甜骨、士多啤梨骨、西檸雞呢類水果入饌嘅菜式的話,一定會喜歡呢道橙汁黑糖牛仔骨!而且步驟非常易煮!
今次用咗鮮榨橙汁同黑糖齊煮,個汁酸酸甜甜,跟牛味濃嘅安格斯牛仔骨絕配,一家大細都超好餸飯!
兒童餸飯精選 ~ 橙汁黑糖牛仔骨
材料:
牛仔骨5條 ~ 切件
大橙兩個
做法:
1. 未榨橙汁前,先刮出一些橙皮絲備用。
2. 1.5個橙榨汁,橙肉分出來醃牛仔骨,餘下半個橙切三角片備用。
果肉+1湯匙橙汁醃牛仔骨,果酸會令牛肉質感軟腍易咬。
再加一茶匙胡椒粉及一茶匙生抽,入保鮮袋拌勻,醃半小時。
3. 牛仔骨我乾脆放入氣炸鍋,亦可以在平底鑊香煎兩面。
鍋底噴油,p仔 190度/10分鐘 ,無需追求全熟。盛出備用。
4. 鍋中放入橙汁加熱,再加入一茶匙生抽。
5. 慢火煮起後再加入黑糖拌勻煮起。
6. 最後再放入橙皮絲。
隨即逐少加入生粉水,調較適當的黏稠度。
7. 放入牛仔骨炒勻,再加入橙片拌勻,略煮後即成。
再灑上芝麻粒即成。
**************************
~ 許許與小BELLA ~