好似好耐無做過幼兒食譜喇！
今次主角係有機卡通意粉，
印象中我煮嘅幼兒食譜中，
意粉好似一直都用西餐做法，
所以今次我決定做「亞洲風味」😆，
以「滑蛋河」嘅概念來煮，
呢個雜錦滑蛋醬，
我哋平時都成日用來淋飯同米粉㗎，
今次拌卡通意粉又Okay喎，
如果厭咗西式汁，唔想加奶Blend湯底，
咁就可以試下整呢款喇。
今次用BrunoChoice有機卡通意粉(兔兔)，
呢隻意粉Bella由細食到大，
到而家都有繼續食，意粉形狀，
有小熊，恐龍，太空、兔仔及蝴蝶結圖案，
有歐盟OF&G有機認證，
無添加鹽，色素及防腐。
三種顏色嘅意粉分別由有機蕃茄、
有機菠菜及有機粗粒杜蘭小麥製造，
適合一歲以上食用，
蝴蝶結粉就更加適合較細月齡嘅幼兒。
好多媽媽之前都問我到底要煮幾耐先剛好，
因為煮得快未熟，耐又爛哂，
其實秘訣係煮到八成軟後，
熄火加蓋焗8至10分鐘左右，
佢就會軟哂而且仲keep到個形狀！
❤️18M+ 雜錦滑蛋醬拌有機兔仔意粉❤️
材料方面除了主角滑蛋及雞肉外，
今次我就加咗西蘭花、甘荀、本菇，
仲有櫻花蝦。亦可以用白飯魚仔代替，
大齡小朋友也可加蝦仁、帶子粒....如果想個汁更濃香，可浸些乾冬菇代替本菇，再留浸冬菇水當作高湯用，自由配搭。
材料：（親子共食份量）
BrunoChoice有機卡通意粉:
一飯碗份量，先煮熟備用
蛋一隻：打勻
雞柳一條：洗淨切幼絲
本菇兩湯匙：用水略沖洗，瀝乾水份切小粒
甘荀一小截：去皮切片及切碎
西蘭花兩朵：用鹽水浸半小時，洗淨切小朵
洋蔥一小角：切幼絲
粟米芯兩條：切粒
櫻花蝦適量
蒜頭一瓣：切碎
水一碗：（用高湯更佳）
粟粉水打獻：比例為：1(粉)比3(涼水)
做法：
先醃雞絲，細B食可用BB低鈉豉油。
加兩茶匙拌勻，醃15分鐘。
鑊中加少許油，略爆蒜頭，
再加入雞絲炒至七成熟。
再加入洋蔥及本菇，炒至九成軟身，然後盛起備用。
鑊中放入一飯碗份量開水(用高湯更佳)，加入甘荀粒/片及粟米芯，煮至甘荀軟身，再加入西蘭花。
煮至西蘭花八成軟身後，加入之前的雞絲餸料拌勻。
粟粉水拌勻，分幾次慢慢加入材料中攪拌，邊攪邊試黏稠度。
直至成為汁狀就可以了，然後再慢慢加入蛋液拌勻成蛋花。
再加入櫻花蝦略煮，放入鹽調味，盛起幼兒食用份量，再拌入卡通意粉享用。
(餘下的說就是我自己享受了，我會再加入魚露、胡椒粉等按自己喜好調味）
**************************
~ 許許與小BELLA ~
