最近網購時為咗湊單免運費,誤打誤撞買咗包好嘢,
整咗Bella近期好鬼欣賞嘅「海菜蛋卷」
呢包韓國產嘅海菜其實就係多種海藻類混合,
礦物質同纖維都幾豐富嘅,
又低卡低碳,
最初見到都唔知點食點整,
包裝只教整seaweed salad,後來我諗應該可以試埋蛋料理、或者煮豆腐三文魚頭湯都好正。
因為每包常溫packing都加咗海鹽保鮮嘅,
海藻已經軟身唔洗再浸,
開咗就要放入雪櫃喇,
食嘅時候拎啲出黎,
沖洗幾次沖走啲鹽,
再浸一浸瀝乾水,
撈落蛋液黎煎蛋卷,
唔洗再落任何調味料已經夠哂味,
蛋卷每啖都爽脆嘅,
所以Bella好鍾意。
最近阿囡每食一樣野呢,
好食就即刻隊隻手指公比我😆,
唔好食就猛叫“yuck”🙄,
都唔知喺邊到學嘅,
當咗自己食評家咁下下都要評分...
呢款海菜蛋卷佢食親都就thumb up嘞,
可算是近期午餐至愛。
「海菜蛋卷」點整?
材料:
海菜半碗
雞蛋三隻
做法:
1. 取出海菜後沖洗幾次,
把鹽沖走,再浸一浸水,
瀝乾水份。
2. 將雞蛋打勻成蛋液,
與海菜混合。
3. 煎pan掃油,
加熱後轉中小火,
於近手柄段倒入蛋液,
待八成凝固後,從邊緣捲起,
留下末段接駁新蛋液。
4. 然後又再添加蛋液,
同樣待八成凝固後又再捲起,
重複數次,
直至倒入所有蛋液,將蛋捲成形。
5. 切件後即可享用。
*************************
~ 許許與小BELLA ~