我跟老公都愛吃泰國菜，
以前就話可以經常飛曼谷，
又或者想食嘅時候出九龍城。
不過生左Bella之後吾會咁易話起行就行，
所以好多時想食泰菜都會自己煮，
之前寫過冬陰功湯食譜，
今次再寫多個仲易做嘅酸辣涼拌菜。
其實做這個泰式酸辣青檸雞翼涼拌，
靈魂都係在於個醬。
而且個青檸酸辣醬做多些放在雪櫃，
有時食海鮮時可以用，
炒粉麵炒肉落一點也好惹味，
大愛就當然是做涼拌小食，
既醒胃，而且涼拌一定是自己做才衛生，
是次做了涼拌雞翼，
其實鳳爪鴨舌牛展翼尖甚至鮑魚都啱配，
想食就拌啦！
材料簡單：
雞翼約15隻份量
西芹或芹菜3枝，
芫荽4夥，蒜頭4瓣，乾蔥2粒，辣椒2隻，
青檸1個榨汁，酸辣雞醬2湯匙，
檬粉汁2湯匙，魚露幾滴。
把材料放入壺內一齊blend成醬，
如果無blender就用刀切幼粒，
再把全部材料混合，
簡單惹味的泰式酸辣青檸醬做好了。
把醬淋上已熟的雞翼上拌勻。
雞翼事前冷水落鍋預先出水，
再用薑蔥烚熟後隔水放涼。
放入雪櫃5～6小時後便可以享用。
