放棄便捷嘅城市居所搬入郊區後，發覺我哋比想像中更鍾意，每日都被綠色及豐富嘅陽光包圍，恬靜、呼吸到滿瀉嘅新鮮空氣、間唔中又會見到小動物小昆蟲，大自然真係寶，大家要好好珍惜🙏🏻。
而最近亦得悉有一個對大自然好有意義嘅活動，由建造業議會及香港綠色建築議會合辦嘅一年一度大型綠色建築公眾活動「香港綠色建築週 2020」，將於 12 月 5 至 11 日一連 7 天於網上舉辦，本屆主題為「綠建 TEAM UP！創造零碳未來」，透過綠色建築，同大家一起創造零碳未來。
其實香港建築物及其相關活動都佔香港9成耗電量，相等於全港6成碳排放，但經過業界、政府及公眾努力發展香港綠建，目前已取得成果😉 已有超過1,600幢香港建築物獲得綠建環評認證，而過去多年已評估嘅綠建環評新建建築項目，亦預計節省8.8億度電及1900萬平方米食水及廢水，合共可為香港減少碳排放達每年約62萬噸碳，相等於種植2700萬棵樹🙏🏻 綠建環評亦有一個網上展覽，大家可以睇下香港綠建嘅發展成果 ：http://greenbuilding.hkgbc.org.hk/projects/index
減碳對我哋嘅未來好重要，雖然大家都身處喺一個繁忙稠密城市，但都可以透過綠色生活去出一分力，例如最簡單嘅走塑、自備環保袋、節約水電呢啲好基本嘅環保概念，我都會同Bella一同實踐。
如果想了解更多日常減碳生活元素，就更加要留意活動週於網上舉辦嘅《綠建 TEAM 噏》訪談節目，節目中會特邀氣候專家、環保建築師及人氣環保嘉賓作客，從不同角度探討建築與減碳嘅緊密關係，對緩解全球暖化嘅重要性，以及點樣推動環保低碳生活。
此外，於活動首日開幕禮後，亦唔好錯過《綠識問答合作賽》，當中會有星級嘉賓及關注環保嘅一眾學生，以精彩遊戲教育公眾綠建同減碳嘅生活元素，同觀眾於網上玩有獎問答遊戲，只要喺香港綠色建築議會Facebook專頁睇直播，並於貼文留言回答問題，答案最佳者即有機會贏取獎品。
香港綠色建築週 2020
日期：12月5日至12月11日
活動內容：www.hkgbc.org.hk/tch/hkgbw2020
#香港綠色建築週2020 #綠建現在零碳未來 #HKGBW2020
#綠識問答合作賽 #綠建TEAM噏 #綠日壓軸大獎賞
