百撘純正有機蕃茄粉~蕃茄濃湯海鮮飯

百撘好用，豐富茄紅素💪🏻

差點忘記呢包買咗半年嘅蕃茄粉，最近整理食材櫃時先發現😶，當然即時諗個食譜來煮試試佢💪🏻 我覺得值得推介比大家，特別係唔想用現成加工調味蕃茄醬嘅你，用呢包有機100%蕃茄粉，就可以整到蕃茄醬、蕃茄濃湯、來煮意粉意大利飯、湯飯pizza等都好方便，唔洗再買10個蕃茄打濃湯😉

每次只需要按喜歡嘅濃稠度來落份量，蕃茄粉本身係無咸或甜味嘅，純粹得蕃茄味，所以跟水、高湯、甚至忌廉混合後，放些鹽，都可做出不同口感味道嘅湯/醬，今次我就簡單煮個醬，加啲鹽同胡椒粉，做咗「蕃茄濃湯海鮮飯」🍅

做法參考：

1. 自選喜歡的海鮮, 今次我用上雪藏三文魚柳、帶子及虎蝦，解凍沖洗後，再用白酒、胡椒粉醃一醃。另外也預備了蕃茄、白飯。

2. 當然少不了主角蕃茄粉。這包蕃茄粉我在iherb買的。

3. 將海鮮慢火煎香。灑上鹽粒及少許黑椒粒。

同時亦將蕃茄兩面煎一煎，備用。

4. 用約3湯匙蕃茄粉，跟高湯混合後加熱煮滾即成濃湯。（濃郁度可按喜歡加減水份或粉量調整）煮起後加些鹽及胡椒粉即成。

淋上海鮮飯上，簡單但豐富。