舊屋裝修真係好多野要跟，諗完邊到要整、要點整之後，就忙著揀料，以前結婚時搬入來都無特別大裝，尤其是浴廚產品配件，仲覺得款款都大同小異，屋企又唔係咩豪宅，求其買樣嘢用到就無問題啦，但住落後就發覺真係唔可以隨便揀㗎，除咗啲配件好快用殘之外，仲要係唔好用，成日都要小維修，所以汲取咗之前嘅教訓，今次揀時就格外小心，好多嘢都要好好Plan定先至好買，解決番舊屋所出現嘅問題！
當中我一定會換嘅就係馬桶同花灑龍頭！
因為舊屋嘅廁所細，所以想揀返個外型比較小巧嘅，而且之前個馬桶屬於傳統沖水系統，沖廁時好大水花，每次打開塊蓋都濕哂，細菌又容易彈到周圍都係，自從疫情之後就更加怕，加上水力又細所以要沖幾次水；不過最「攞命」就係成日都要刷廁所😫，因為啲污跡成日「痴」喺馬桶內壁，刷完又要洗返個刷，增加咗我好多家務🙈 所以我睇到日本製嘅座廁而家啲座廁就非常心動，佢哋個設計加入抗菌、防污功能，而且個「漩渦式沖水」亦咗減少彈水情況，相對較衛生，加上日本座廁尺寸較小巧，好適合香港家居。
由於阿囡開始識自己沖涼，所以揀花灑龍頭，我心水係而家啲新式水龍頭，佢哋嘅設計又節水又有溫度鎖定制，等於兒童鎖咁夠哂安全，而且要有冷熱水恆溫系統來避免水溫突然改變，因為已經受夠啲沖涼水時冷時熱喇；雖然我哋用浴缸，但老公話花灑嘅水流嘅柔和感都好重要，希望每朝都可以「淋個靚浴」出門口。
如果大家有心想換返廚浴產品，真係要落番啲心機去揀，最好方法就係自己都參與其中，唔好只做Online Research，試下落去香港啲裝修街睇下啲貨，必要時仲可以問下個啲經驗豐富嘅師傅，同佢哋取下經。而且門市仲有一大好處，就係確保有售後服務，裝修時有咩小插曲都可以即時落門市解決，唔會耽誤裝修進度。
今次我自己落鋪睇咗好耐，都加深咗對唔同牌子嘅認識，好似GROHE同INAX呢兩個品牌，以前去日本旅行或Staycation都會成日見到，受大眾選擇一定有佢嘅原因，而且德國同日本品牌嘅產品，品質上會有保證，耐用性都比較強，今次就喺呢兩個牌子度揀左啲心儀產品，等裝修後再同大家做番個詳細講解😉。
#好物推介 #裝修分享 #家居安全
#座廁有得揀 #家中最值得投資的產品
#一頭兩用 #水龍頭推介 #產品唔好亂咁揀
#打造一個完美舒適的家
