最近有媽媽inbox問我幾時會再整下啲小朋友食譜,我先發覺原來時間的確過得好快,趁個囡仍然對我煮嘅嘢有期待,就整個佢最鍾意嘅pizza等佢開心下。
自己做嘅就當然「有營」行先,呢個薄餅其實都係蛋餅,用咗幾款蔬菜、三文魚、雙色芝士同卡通意粉去整,其實材料都係平時煮粉嗰啲🤣,換個做法對小朋友黎講又係一種新食物,色彩繽紛容易提起食慾,唔洗焗爐,做法簡單,18M+都食得喇!
色彩繽紛芝士意粉蛋餅
材料:(兩底份量)
-牛奶75ml
-低筋麵粉45克
-蛋2隻
-卡通意粉2湯匙
-三文魚柳粒2湯匙
-車打芝士碎及Mozzarella芝士碎各1.5湯匙
-藍莓3-4粒
-車厘茄數粒
-西蘭花、椰菜花、豆角、紅蘿蔔粒、甜椒適量
三文魚柳切粒後用鹽及胡椒粉略醃,預先煎熟,而且會更香口。
今次用上BrunoChoice 嘅Teddy Bear 有機三色意粉。
水滾後放入意粉,大火煮,邊搞拌,直至半軟身再轉中小火,再煮至8成熟左右,熄火加蓋焗。
焗至熟透後便可瀝乾水份盛起。這樣煮意粉便不會霉爛,又會熟透,又會挻身保持到形狀。
大碗中放入牛奶與蛋混合。
再分兩次篩入麵粉攪拌勻。直至無麵粉粒粒黏在一起。
最後加入mozzarella 芝士碎拌勻,也可加鹽加胡椒粉調味,大人都可以一齊食。然後蛋餅糊便預備好。
找個平底煎pan, 最好是易潔的。
下少許油,慢火加熱,倒入蛋糊,隨即再放入所有配菜,均勻分佈。
餅底會慢慢凝固,黏著所有配料,最後灑上車打芝士做面層黏固,蓋上蓋子直至芝士溶化即可碟。
餅底軟綿綿易入口,上層口感豐富,酸甜咸香都有,小朋友當正當pizza咁食。
BrunoChoice幼兒意粉
👉🏻分別有:小熊,恐龍,太空及蝴蝶結圖案
~歐盟OF&G有機認證
~無添加鹽、色素及防腐
~由有機蕃茄、有機菠菜及有機粗粒杜蘭小麥製造
~適合一歲以上食用
~蝴蝶結粉適合月齡較細幼兒