我曾經猶疑過整完呢款迷你香蕉酥後，可以放入Bella個小息餐盒度嘅，但未決定前卻比佢食食下，差不多食哂🤪
呢碟「迷你香蕉酥🍌」，全碟成本應該都唔洗8蚊，製作時間一定少於30分鐘，而且一半時間佢喺個爐入面，應該是零失敗易過摺紙飛機，口感是外酥脆內香軟甜，材料極簡單，大家都試下整比屋企人食啦！
材料：
香蕉2隻
手抓餅2塊
蛋黃液1隻
黑芝麻1茶匙
做法：
手抓餅從雪櫃取出回少少溫，變軟少少即可使用。
蛋白與蛋黃分離，蛋黃打成液狀備用。香蕉拆皮備，黑芝麻裝飾用，可有可無。
把香蕉放於手抓餅邊緣，過長的話可略切頭尾對齊，然後卷起。
再把香蕉捲切半吋厚，切後如有鬆散也可重新包捲。
放上焗盤牛油紙上，每個之間要留點空位預澎漲，掃上厚身蛋黃液，灑點黑芝麻。
焗爐預熱180度，焗15分鐘至金黃酥脆即成。也可用氣炸，180度/8分鐘（或自行目測）
