對高達嘅情義結，
只有男人先會明🧐！
入到橫濱Gundum Factory嘅購物部，我同個女突然變得好有價值😄，就係用來配給👉🏻「每人限購兩盒超合金！😂」
#橫濱一日遊
玩完富士山、靜岡同伊豆，喺回東京嘅途中我哋去咗橫濱玩咗日，亦係Bella爸爸最期待嘅，事關Gundum Base Factory黎緊3月會拆，佢早已千叮萬囑我一定要事前買定飛(事實係去到都大把飛可以買嘅😌)。除咗睇模型，亦見到我老公喺呢個旅行第一次自拍，不過係同巨型高達囉😑😑😑，好彩最後都影咗張全家福！
喺橫濱Cosmo World同個囡玩攤位遊戲中嘅，200円有兩球，只要其中一球拋中入塊板上細細個嘅洞，就得獎；過往喺香港玩親呢啲，Bella一直都係靠公公先會有獎品(因為公公太厲害，玩親都有大公仔，以前就滿足我同妹妹，而家滿足啲孫仔孫女😆)。可惜個女今次同咗手殘嘅爸爸媽媽去日本，原本諗住用200円敷衍佢算，點知竟然比我掉中咗😄，在場好多可愛熊仔、企鵝、甚至大大隻公仔任揀，完全唔明一個女孩子仲咩只對呢隻曱甴物體情有獨鍾🤧，後來佢指正話係好得意嘅獨角仙，好想養！😳咁你都真係揀返毛公仔算喇！之後幫佢改左個名叫Betty🤪 吓邊位呀？🤣
＃又有美食推介🤤🤤
午餐去咗CenterBeef食燒牛肉飯！原本想留返喺涉谷分店先食嘅，但無得訂位，咁呢間嘢無返兩三個鐘時間排隊，都唔洗旨意食到。好彩本店喺橫濱，我哋去完高達即時過去，中午12點左右時間，好彩都係排咗兩三個字就入到去。
燒牛肉麵分四個sizes，再揀唔同嘅飯同配菜，因為餐廳暗，睇相未必吸引，我亦唔想再刁鑽形容有幾好食，只話過大家知，去涉谷應該都唔會排到隊食，但有去開橫濱，抽時間過來食係值嘅水👍🏻！
＃CenterBeef横浜関内本店
地點📌日本〒231-0046 Kanagawa, Yokohama, Naka Ward, Suehirocho, 2 Chome−５−1 呉ビル 1F
星期六嘅紅磚屋又撞正有活動嘅關係，多人到人貼人，所以無心機再行，除非係平日無咩人可以慢慢享受杯咖啡，否則其實呢到真係影張相走得😂！最後轉戰元町中華街，原本覺得點會去食話好出名嘅生煎包呀，香港大把啦唔會好食啲咩🤔，但去到又忍唔住買黎試，不過又真係好食喎，加上肚餓，我哋買完一兜又買一兜......
#橫濱高達 #超合金 #GundumBaseFactory #元町中華街 #CenterBeef #CosmoWorld #Betty #獨角仙
#2023農曆年 #日本親子遊
#東京 #山梨 #富士山 #箱根
#靜岡 #伊豆半島 #熱海 #神奈川 #橫濱
-----------------------
🎀2023 東京都•山梨•靜岡•神奈川🎀
［行程參考］
Day 1 : 香港~仁川
Day 2: 仁川~成田 ~ 上野磯丸水產~TOSEI HOTEL COCONE上野
Day 3: 豐田租車 上野駅前店 ~ 河口湖Hodo Fudou烏冬店~河口湖纜車天上山公園-新倉山淺間神社- HOTEL MYSTAYS Fuji Onsen Resort ~大池公園河口湖冬火花
Day 4: FujiQ富士急樂園~Yeti Snow Resort ~ 御典場Hotel Clad ~ 御典場outlet花火
Day 5: 御典場premium outlet ~大涌谷 ~ 十國峠富士山雲海 ~ Toki no Sumika御典場高原時之栖👉🏻入住SlowHouse
Day 6: 富士野生動物園 ~大淵笹場茶畑~ 靜岡縣富士山世界遺產中心 ~ 清水市 Hotel Mystays Shimizu
Day 7: 靜岡櫻桃小丸子樂園 ~ S-Pulse Dream Plaza ~ 清水魚市場海鮮丼 ~ 靜岡Mentai Park Kannami明太子館 ~ 伊豆Panorama全景公園 - 修善寺竹林小徑 ~ 溫泉旅館👉🏻ホテルサンバレー伊豆長岡
Day 8: 大室山登山リフト~ 城ヶ崎海岸 ~ 門脇吊橋 ~ 伊豆ぐらんぱる公園 ~ 110m見晴らしスライダー ~ 親子渡假村👉🏻 アンダの森 伊豆いっぺき湖
Day 9: 伊東マリンタウン道の駅 ~ 熱海梅園 ~ 江の島 ~ 江ノ島電鐵鎌倉高校前 ~ 鎌倉大佛長谷寺 ~ 横浜駅前還車 ~ Hotel The Knot Yokohama
Day 10: Gundam Factory Yokohama ~ CenterBeef横浜関内本店 ~ 横浜 CosmoWorld ~ 横浜紅磚倉庫 ~ 元町•中華街 ~ Hotel The Knot Yokohama
Day 11: 横浜~上野~原宿：回轉甜品放題👉🏻Maison Able Cafe Ron Ron ~ 渋谷shibuya sky ~ TOSEI HOTEL COCONE上野
Day 12: 上野~渋谷：熊仔火鍋👉🏻北海道めんこい鍋くまちゃん温泉渋谷宮益坂 ~ 香港
