唔知係咪錯覺，我覺得今年夏天比上年熱咗好多，
每次出街都有溶嘅感覺，而且可能天氣太熱，
Bella最近只鍾意食咖喱或酸甜呢啲開胃菜，
其他都好難勾起食慾，
所以今日又再整咗呢個蕃茄蛋花碎牛湯飯同佢一齊食，
酸酸甜甜好開胃，佢都食好多，好適合小朋友~
蕃茄蛋花牛肉湯好普通，
但想湯頭有豐富蕃茄味，
做湯飯後唔會淡茂茂更好味，
可以參考我嘅做法。
材料（親子2人份）：
蕃茄2隻約200克
免治牛肉80克
蛋1隻
西蘭花2朵
白飯1大碗
鹽//粟粉/幼兒調味海帶粉或少少胡椒粉
做法：
先用半茶匙鹽，2茶匙粟粉、
少許調味粉及2茶匙水，與牛肉拌勻。
雞蛋打勻，蕃茄切件，
西蘭花切小瓣用鹽水浸半小時後沖乾淨瀝乾水備用，
把蕃茄與2碗水混合後打成茄汁
（如果想食蕃茄肉，也可留部分蕃茄件）
鑊中加少許油，加入牛肉碎炒熟，盛起備用。
把茄汁倒入煲中加熱，再加入西蘭花煮滾。
蕃茄件也一併加入煮滾，
慢慢打圈倒入蛋液，但不要搞拌，
待蛋液凝固後，輕輕搞拌成蛋花。
碗中放入白飯，再倒入蕃茄湯，
加入牛肉碎，蕃茄件即成。
由於牛肉碎被炒過，
所以比直接加入湯中滾熟會更香口。
被打成蕃茄汁的湯頭，蕃茄味出哂黎，
略加鹽調味即可，無需再加任何高湯煮。
喜歡更甜可加入半隻洋蔥一起打蓉。
**************************
~ 許許與小BELLA ~
FB專頁: www.facebook.com/huihuiplayground
聯絡我們: jassmine_tea@yahoo.com.hk
