今次呢款玫瑰造型蘋果酥，
我真係放咗入個囡嘅 #小息盒 喇🤗
#可以快手製作嘅茶點
#啖啖都係蘋果肉
好耐之前喺網路上見到呢個蘋果玫瑰卷隨之心動，
一直都好想搵機會試整，
直至個女而家小一要帶小息盒，
終於多咗機會動手做小食；
上次整完迷你香蕉酥，
有啲媽媽問我仲有無小息盒食譜，
有啲就問我除咗香蕉，仲有咩水果可以整....
今次就啱喇，好食又健康，
pink lady apple捲完出來個色好靚😻，吸睛度滿分！
不得不讚手抓餅，比酥皮還好用，又焗得快，
做咸甜點都得，遲啲我再研究多幾款咸點先🙏🏻
🍎蘋果玫瑰小酥卷🍎
亦都係真材實料ApplePie👀，
前一晚捲完放雪櫃，第二朝入焗爐或氣炸8-15分鐘，
即可放入小息盒💪🏻
酸酸甜甜小鬆脆，食完心情好🥰🥰~
蘋果玫瑰小酥卷🍎
材料（6-7朵）：
蘋果1個
果醬少許（口味隨個人喜好）
手抓餅2塊
檸檬半個
水250ml
糖霜少許
蛋黃液一個
先把蘋果切半，再切成薄片，去芯。手抓餅室溫放軟。
把半個檸檬榨出汁，再與水混合。
放入蘋果片。
拿到微波爐叮2.5-3分鐘。
如果無微波爐，就加少少牛油在鑊中把蘋果煮軟。
手抓餅切直條，不要太窄，否則會好易散。
如果想做大些的尺吋就切闊些。
掃上果醬。
從微波爐取出蘋果後，它會變軟身。
瀝乾多餘水份，如果蘋果片好濕可用抺紙印一印，
因為太濕會好難包捲。
把蘋果片半疊式排在手抓餅上一半，
再用下一包摺上覆蓋。
然後可拿著邊位開始捲。
兩個邊位最好放薄一些的蘋果片，易於開/收口。
捲完之後就是一朵可愛的玫瑰花喇！
貼士1：食材與手記得唔好太濕，
因為手抓餅自己都會溶軟，
可以拉型黏貼收口，但太濕就會變滑，黏不緊。
貼士2：如果想第二朝新鮮焗，
可把捲好的酥卷放入密實盒內，
再入雪櫃保存，焗之前在手抓餅位置掃蛋液便可。
焗盤底掃少少油。把酥卷放在焗盤，
或錫紙小兜，防止澎漲時變形
（其實包得緊都不會太過變形）
預熱焗爐後用180度焗10分鐘、
如用氣炸可180度6-7分鐘！
只要手抓餅變酥便可~
焗好後可在上面灑上糖霜裝飾，
亦是稍增加甜度更美味，中和檸檬的酸度。
Yeah! 放了4個在阿囡的小息盒！
其實食兩個已經好飽...
