FACEBOOK專頁

2020/07/30

三款滴雞精功效推薦:田原香滴雞精(高血壓、燥底人士推薦款)

 
之前最早喺2016年參加過田原香媽媽講座就買過懷孕組合,
又為咗補救坐月期冇好好坐月,飲咗坐月組合。
覺得田原香滴雞精呢種功效型健康湯水幾夾我。
呢排疫情時期,特別想管理健康,調理好體質,
保持良好免疫力。事隔3年,
老實講已經唔太記得要點飲,
就上田原香滴雞精官網詢問,
講吓自己嘅體質同補身方向,
田原香職員好快就答到我,
仲推薦適合我嘅滴雞精口味功效。
 

本身有計畫年底陀第二胎,不過自己有高血壓,
加上容易燥熱,又係上火嘅體質,
如果過於大補,兩邊臉好易生石頭瘡,
所以都唔敢亂買亂補,都係好好向專家請教。
田原香職員推薦我飲石斛滴雞精同杜仲滴雞精,
因為呢兩款都係溫和平補,唔會燥熱。
田原香滴雞精同中醫師、營養師合作,
每一款用嘅藥材唔同,滴雞精功效亦都不同,
每款滴雞精都適合唔同體質用於調理。
 
 
之前飲過坐月系列滴雞精,
主要係幫助恢復產後所流失嘅體力同氣血。
而呢次為咗調理體質,
職員推薦嘅田原香石斛滴雞精有加石斛、
玉竹、川谷精、麥冬等等,
藥材都係養陰潤燥、潤肺清心,
好適合燥熱體質嘅人士飲,
所以呢款滴雞精功效除咗補體力,
仲可以幫助滋陰生津、健脾益腎;
另外一款田原香杜仲滴雞精用嘅藥材係養血生津嘅黨參、
促進循環嘅杜仲等等,
田原香杜仲滴雞精嘅功效可以補體力、
滋陰養陰,還可以強壯筋骨,
亦適合需要久坐office嘅上班族,
所以都可以畀老公飲,補吓腰骨。
 
 
呢次買咗田原香滴雞精儲值方案,
因為會額外送儲值金,
所以儲值就等於有折購優惠喇,
最重要嘅係冇使用限期,
想要飲滴雞精可以直接用儲值金提貨,
唔怕屋企嗰雪櫃無位,
更加犧牲老公放雪條的冰格位置來雪藏。
呢次訂咗兩盒杜仲滴雞精、石斛滴雞精,
仲有無藥材滴雞精,
今日落單後第二日就送到,
原來今年換咗新包裝,幾有設計感,收到時好驚喜!
飲滴雞精其實都好方便,從雪櫃攞出嚟,
剪開個袋擺喺碗加個蓋,
蒸熱或者放入微波爐叮就飲得㗎。
 
 
田原香滴雞精選用嘅雞,
係台南無污染自家牧場放山養嘅走地雞,
高溫炭火燜滴八個鐘以上,
唔加一滴水,細細個碗就係成隻雞嘅精華。
聽職員介紹,飲用滴雞精可以根據返period去調理,
經期前飲田原香石斛滴雞精,
口味比較清淡,藥材功效係健脾益腎、滋陰補水。
中醫理論,經前需要健脾益腎,
可以幫助利水運化、補充津液。
經期後飲田原香杜仲滴雞精,
口味同肉骨茶有啲似,功效係滋陰補氣血,
喺下一次M嚟可以有足夠氣血,
將身體毒素、廢物排出體外。
令到子宮有好嘅循環,之後可以轉口味,
飲備孕系列嘅想孕滴雞精。
 
因為滴雞精有小分子優質蛋白質、人體必需胺基酸,
所以滴雞精功效都可以補充體力,
老公體質係偏寒底,加上工作壓力大好易攰,
好適合飲滴雞精,
呢排每朝幫佢整熱田原香杜仲滴雞精,
完全唔抗拒,朝朝飲完先返工。
 
 
而田原香無藥材滴雞精冇落任何藥材,
屬於天然營養湯水,
1歲以上嘅小朋友就可以飲喇,
Bella依家喺幼兒成長期,
需要補充好嘅蛋白質,開咗一包俾佢試飲。
翻熱後陣味好香,Bella試幾啖都好鍾意,
呢款冇落藥材嘅滴雞精,
功效係幫助身體補充蛋白質、補養體力,
見過有朋友會當湯底加通粉煮畀仔仔做quick lunch,
幾方便,適合新手媽媽or偶爾想偷懶嘅媽咪。
另外食緊中藥或者唔鍾意藥材味道嘅人都適合飲呢款補身㗎。
 
 
因為田原香滴雞精有十幾種滴雞精揀,
每款嘅口味同功效都唔同,
推薦大家跟返自己體質同補身條件去揀。
除咗可以喺官網詢問滴雞精補身功效、網上訂購,
田原香滴雞精喺港島、九龍同新界都有專門店,
可以向店員查詢,要購買都好方便。
 
 
滴雞精補身功效見仁見智,
最重要係搵到啱自己嘅調理方法,
老實說我就沒有本事天天劏雞,但又想補,
所以滴雞精就係我嘅補身方案。
唔可以等到身體出狀況先關心,
尤其係疫情下更應該好好管理,慢慢經營健康。
即刻就從飲食、睡眠、運動、情緒壓力開始改善。
 
#滴雞精 #田原香滴雞精 #滴雞精推薦 #滴雞精功效 
#石斛滴雞精 #杜仲滴雞精 #無藥材滴雞精 #tianyuanxianghk

**************************
~ 許許與小BELLA ~
FB專頁: www.facebook.com/huihuiplayground
聯絡我們: jassmine_tea@yahoo.com.hk


*

Related Posts Plugin for WordPress, Blogger...