每次做完士多啤梨🍓嘅菜式，
心情都會特別好!
今次呢款士多啤梨豬仔脾，
專為Bella而做，酸甜開胃，
做法一啲都唔複雜，
食得多雞脾，轉下食豬脾仔，
迷迷你你更勝雞脾，
一至兩支份量配個飯或意粉掂哂!
「小朋友醒胃菜式~ 香甜士多啤梨豬仔髀」
材料:
豬仔脾2支
士多啤梨4粒
士多啤梨汁：
檸檬1/8個
士多啤梨果醬2湯匙
生粉水
鹽或豉油適量調味
豬仔脾醃料:
鮮檸檬汁1/4個
胡椒粉或黑胡椒，監少許
蜜糖3茶匙（如果唔用蜜糖可用黃糖代替）
生抽-適量
生粉2茶匙
今次用無加糖的現成士多啤梨果醬，
果醬偏向甜味，所以我會加少少檸檬汁。
如果小朋友較細，或媽媽喜歡的話，
可以用市面上BB食的唧唧果蓉代替。
士多啤梨洗淨，取3粒起去頂切粒~
豬仔脾在凍肉舖買，
溶雪後先用檸檬汁塗抹肉上，
再加入醃料，然後加生粉，
均勻醃上6小時。
豬仔髀的煮法：
想方便可以噴油用氣炸鍋處理，
但今次我用煎焗方法於平底鑊慢煎，
這樣豬仔脾唔會咁乾，更多肉汁，
不要留意因為有蜜糖醃料會較易燶，
所以中火煎其四面後，再慢火加蓋煎焗，
期間要翻一翻，加蓋除了可鎖好肉汁，亦更快熟。
事前亦可於豬仔脾上𠝹兩三刀，
方面觀察生熟度。
士多啤梨醬加入3湯匙水，
倒入鍋內煮滾，灑一點檸檬汁，
再加入適量鹽或豉油調味。
試味後，再加入士多啤梨粒，
再逐少加入生粉水，
調校至適當黏稠度即成。
士多啤梨汁淋上豬仔髀，
喜歡更可放一粒鮮士多啤梨伴碟即成。
~ 許許與小BELLA ~
FB專頁: www.facebook.com/huihuiplayground
聯絡我們: jassmine_tea@yahoo.com.hk
